Слово похвальное святителю Макарию, Митрополиту Московскому

На фото Слово похвальное святителю Макарию, Митрополиту Московскому изображение
Приидите отцы и братие, приидите христоименитии, приидите православных соборы и приклоните слухи ваша во глаголы уст моих*), да насладимся духовнаго пира сего, не тело насыщающе, но ум просвещающе, паче душу и тело освящающе. Господи, Владыко превечный, Христе царю, сотворивый небо и землю, и без Тебе ничтоже совершитися может: ни дело, ни слово! И ныне молитвою святаго преподобаго Макария Великаго призри на мене, раба Своего и дай же ми, Господи, совершили труд сей и утверди мя, Господи, праведне и несовратно молитвою его. Бог мира и Творец вселенныя молитвами святаго преподобнаго Макария Великаго да воздвигнет ныне мысль к похвалению достолепнаго мужа, иерарха преславнаго, Макария чуднаго. 
Хотя кто добрая словеса изглаголати о святителе Макарии восхощет, да просит у Бога слова отверзение устом, и агце ли кто поищет разума, той должен есть навыкнути слову, якоже Исаия пророк глаголет: «Господь дает мне язык научения, еже разумели, егда подобает рещи слово» (Ис. 50, 4). И Приточник же глаголет: «Сотове медовнии словеса добрая, и сладость же их — изцеление души» (Пр. 16, 24). И Павел Апостол к Римляном речет, яко возлюбих вы, «да некое подам вам дарование духовное ко утверждению вашему» (Рим. 1, 11). Да возлюбите и вы, братия, уста глаголющие слово доброе о великом Макарии Митрополите, понеже сей светильник веры похвалам достоин есть, совершитель бо святых Таинств и сопричастник славы апостольския, Великыя Жертвы священник и учитель истины, «в няже желают ангели приникнути» (1 Петр. 1, 12), юже убо чисте иерарх блаженный соблюде и непорочно в житии сем пребысть.
Егда святому похваляему «возвеселятся людие» (Притч. 29, 2) — рече Соломон премудрый, паче же и нами прославляемому светилу великому, Макарию чудному, блаженству тезоименитому, возвеселятся вси людие от востока даже и до запада. И како мы не возвеселимся, иже толику радость дарова Бог земле Русетей. Иже по благодати Божией, данною Богом на утверждение земли Русстей и просвещение роду человеческому, да восхвалим и почтим святителем удобрение и светило великое, иже всем вкупе радость и веселие бысть и без печали житие, якоже рече святый Иоанн Дамаскин, идеже несть печали, ту радость и веселие.
И егда кто к кому любовь имея, и того похваляюще, и слышащим его добрая похваления велика радость бывает. И како мы не возвеселимся от всех в языцех славимому и похваляемому мудрому архипастырю нашему и просветителю земли Русская, Митрополиту Макарию. И яко такова Святителя являет Бог, то и мы добре да ублажим Богом преблаго- словеннаго иерарха. Но аще кто обилен будет человеческою мудростию, а чести и славы великого Святителя не поведает, то ни во что же вменится мудрость его.
Иже по благодати Божий, данней нам Иисус Христом на утверждение земли, и на крепость, и на устроение человеческому роду, якоже боголюбивым и богоугодным, хощу вам изнести слово. И молю вы, да протягнете ми слухи своя и способствуйте истинне, понеже хощу вам ныне, братие, поведати повесть дивную, всякаго бисера честнейша испол- ненну о великом Святителе. Сотворите убо себе достойны бисера приатия и послушайте истины сея, писано бо есть, яко подобает глаголати токмо во уши слышащим.
Сей убо славноименитый, благочестивый и Богом возлюбленный Святитель, апостололепное украшение великия церкви Успения во граде Москве, еще измлада сый добре наказан бысть родители своими страху Божию, и Святая Писаниа добре ведый, им же на всяк день поучашеся. Послежде Боровская обитель восприем сего великаго и церковнаго столпа еще зело юна и благочестиа млеком напита и в мужа совершена приведе и орган духу представи. Пребыв же неколико кратко время в Лужецкой обители, поставляется на седалище церковное богоспасаемых градов Великаго Новагорода и Пскова от епископ, иже Духом Святым на се совокуплени бяше, понеже неподобно есть светильнику под спудом крыему быти (Мф. 5, 15).
И сей достолепный, трудолюбивый и христолюбивый Макарий Митрополит добре труждаяся в Дому Святей Софии, Промыслом Божиим на престол Чудотворцев Московских прешел в возрасте мастите и святительство его в мире сем велелепно пребысть. Сей великий иерарх на престоле Московстем Богом утверждаем, и преспеваем во всякой благодати и добродетели, и всем доброприступен, и руце имея ко всем щедры, и богочтец, и черноризцы любяй, и всем вкупе сладок и желанен, и далечайше сущих близ себе сотворяет, и всех души и сердца теплою любовию к себе привлачает… Подробнее…

>> Читать Слово похвальное святителю Макарию Московскому в pdf-формате.
*) В древности канонизованным святым писались не только жития, но и Похвальные слова. В отличие от жития Похвальное слово призвано не столько описать жизненный путь и подвиги Святого, сколько прославить и восхвалить его, используя риторические приёмы. Наше время характерно массовой канонизацией святых, но, в отличие от древности, можно говорить об утрате древней традиции — составления святым Похвальных слов. При составлении Похвального слова святителю Макарию за его основу был взят памятник русской агиографической литературы XV века — «Смиреннаго инока Фомы Слово похвальное о благоверном великом князи Борисе Александровиче» Тверском (+1461). В древности в духовной литературе было принято, когда дляописания определённых событий использовались памятники письменности предшествующего времени, из которых брались описания типологически подобных обстоятельств. Д. С. Лихачев пишет по данному поводу: «Перед нами творчество, а не механический подбор трафаретов — творчество, в котором писатель стремится выразить свои представления о должном и приличествующем, не столько изобретая новое, сколько комбинируя старое» (Лихачев Д.С. Избранные работы в трех томах. Л., 1987. Т. 1. С. 357). Но в данном случае, при составлении похвалы святителю Макарию, текст тверского Похвального слова подвергся переработке, из него была убрана княжеская проблематика и заменена святительской.

Источник: Свято-Троицкая Сергиева Лавра





Добавить комментарий

Ваш e-mail не будет опубликован. Обязательные поля помечены *